Салық саласында өзгерістер болады: мобильді аударымдарға жаңа көзқарас
Сурет: unsplash
2023 жылы Мемлекеттік кірістер комитеті банк шоттарына кәсіпкерлік қызметпен байланысты ақша түскен азаматтар туралы банктерден ақпарат ала бастады.
"Кәсіпкерлік белсенділік белгілерін анықтау критерийі ретінде жеке тұлғаның әр үш ай қатарынан жеке банктік шотына әртүрлі тұлғалардан 100-ден астам ай сайынғы аударымдарды алуы себеп", - деп түсіндірді комитетте.
Банктерден ақпарат кезең-кезеңімен беріледі:
- 2023 жылғы 1 қаңтардан бастап – мемлекеттік қызметшілерге, оларға теңестірілген тұлғаларға және олардың жұбайларына (2022 жылдың қорытындысы бойынша);
- 2024 жылғы 1 қаңтардан бастап – мемлекеттік органдардың, квазимемлекеттік сектор субъектілерінің қызметкерлеріне және олардың жұбайларына (2023 жылдың қорытындысы бойынша);
- 2025 жылғы 1 қаңтардан бастап – дара кәсіпкерлер, заңды тұлғалардың басшылары және олардың жұбайлары үшін (2024 жылдың қорытындысы бойынша);
- 2026 жылғы 1 қаңтардан бастап – халықтың қалған бөлігі үшін (2025 жылдың қорытындысы бойынша).
Қазіргі уақытта тек мемлекеттік қызметшілерге, оларға теңестірілген тұлғаларға және олардың жұбайларына ғана ақпарат алынды.
Мемлекеттік кірістер комитеті бақылау шаралары адал салық төлеушілерге әсер етпейтінін және жасырын кірістер мен тіркелмеген кәсіпкерлерді анықтауға бағытталғанын атап өтті.
Бұл ретте жеке тұлғалар өздерінің жеке мақсаттары үшін (туыстарына, достарына ақша аудару, ата-аналар мен балаларға көмек көрсету, сондай-ақ басқа да өмірлік жағдайлар үшін) мобильді аударымдарды еркін жүзеге асыра алады және қабылдай алады.
Бұған дейін ҚР Қаржы министрлігі Мемлекеттік кірістер комитеті Өндірістік емес төлемдерді, жеке тұлғаларға және арнайы салық режимдерін әкімшілендіру департаментінің директоры Нұржан Қуандықов салық органдары қай азаматтарға қашан назар аударатынын айтқан болатын.
