Азық-түлік тауарлары, тұрғын үй-коммуналдық шаруашылық: 2023 жылы Қазақстанда бағалар қалай өзгерді
Сурет: Zakon.kz
Мамандар жылдық инфляция деңгейіне азық-түлік және алкогольсіз сусындар, тұрғын үй қызметтері, киім-кешек пен аяқ киім ең көп үлес қосқанын баса айтады.
"Бір жылда азық-түлік тауарларының бағасы 8,5 пайызға, азық-түлік емес тауарлардың бағасы 9,1 пайызға, ақылы қызметтердің бағасы 12,4 пайызға өсті". Ұлттық статистика бюросының баспасөз қызметі
Азық-түлік тауарларының ішінде күріш жыл ішінде бағаның өсуі бойынша көш бастады. Оның бағасы 34,3%-ға өсті.
Сонымен қатар:
- минералды және ауыз су (18,4%),
- сүт консервілері (16,9%),
- алкогольдік сусындар мен темекі өнімдері (15,6%),
- айран және жұмыртқа (13,4%).
- нан және ұн өнімдері (12,3%).
- кондитерлік өнімдер (10,7%).
Бір қызығы, қарақұмық (22,6%), күнбағыс майы – 18%-ға, түйіршіктелген қант – 15,8%-ға арзандады.
Тұрғын үйді күтіп-ұстау 7%-ға өсті, дейді сарапшылар.
Қоқыс шығару тарифтері 33,2%-ға, су бұру – 28,8%-ға, орталықтандырылған жылытуға – 26,1%-ға, ыстық суға – 23,4%-ға, суық суға – 22%-ға, электр қуатына – 19,9%-ға өсті". Ұлттық статистика бюросының баспасөз қызметі
Сондай-ақ, жеке тауарлар 2023 жылы 12,4%-ға қымбаттады.
Жиһазға келетін болсақ, оның бағасы 11,8%-ға өсті. Одан кейін ыдыс-аяқ (11,4%), киім мен аяқ киім (11,3%), дәрі-дәрмек (10,4%), құрылыс материалдары (7,3%) келеді.
Еліміздің өңірлері арасында үш облыс көш бастап тұр: 11,1% нәтижемен Қарағанды облысы, Ақмола (10,7%) және Маңғыстау (10,6%) облыстары.
2023 жылғы 1 желтоқсанда Бюро 2023 жылғы қарашада жылдық инфляция деңгейі 10,3% құрады деп мәлімдеді. Жыл соңында Қазақстанда коммуналдық қызмет пен көкөніс бағасы көтерілді.
