Талдықорғанда 14 жастағы қыз жоғалып кетті: күдікті - өз анасы мен өгей әкесі

Сурет: Zakon.kz

Талдықорғанда 14 жастағы қыздың жоғалып кетуіне күдікті ретінде анасы мен өгей әкесі ұсталды, деп хабарлайды Zakon.kz.

Бұл туралы Жетісу облыстық полиция департаментінің баспасөз қызметі хабарлады.

Қыздың өгей әкесі Президентке видеоүндеу жасаған, ол қызын өлтірді деп заңсыз айыпталған әйелін босатуды талап еткен.

"14 жастағы қыздың жоғалу дерегіне байланысты, күдікті деп танылған, қыздың туған анасы мен Тиктокта шағым-данған өгей әкесі ұсталып, қамауға алынды. Күдіктілерге қатысты ,заңсыз тергеу әдістері расталған жоқ. Алғашқы күннен бастап адвокаттарға тергеу амалдарына қатысуға мүмкіндік берілген". Жетісу облыстық полиция департаменті

Тергеу Ішкі істер министрлігінің ерекше бақылауында.