Қарағанды облысында бұзылған автобустан 41 жолаушы эвакуацияланды

Қарағанды облысының құтқарушылары бұзылған автобустан 41 жолаушы эвакуациялады, деп хабарлайды Zakon.kz.

9 қаңтарда "Алматы-Екатеринбург" автожолында төтенше жағдайлар департаментінің күшімен бұзылған автобустан 41 адам эвакуацияланды. Оның ішінде 14-і – Өзбекстан азаматы, 27-сі – қазақстандықтар.

Автокөлік "Шымкент – Тобыл" бағыты бойынша жүрген.

Зардап шеккендер мен медициналық көмекке мұқтаж болғандар жоқ.

"Дауылды ескертулер кезінде елді мекендерден тыс жерлерге шықпаңыз және алыс қашықтыққа жол жүрмеңіздер".Төтенше жағдайлар министрлігінің баспасөз қызметі