"Майқайыңалтын" аумағына қосымша техника жетті

"Майқайыңалтын" аумағындағы іздестіру-құтқару жұмыстарына қосымша техника жетті. Жұмыстарға жалпы салмағы 3,5 тонна шағын экскаватор тартылды. Ол ауыр техника жол ашқаннан кейін, шұңқырдың түбінде қазба жұмыстарын жүргізуге қатысады, деп хабарлайды Zakon.kz.

Төтенше жағдайлар министрлігінің хабарлауынша, техниканың өтуі үшін бағаналы жолды кеңейту жұмыстары жалғасып жатыр.

Жалпы опырылған жерден 110 мыңнан астам тонна топырақ пен тау жыныстары шығарылды.

Іздеу жұмыстарына барлығы 142 адам, 50 техника, 3 кинологиялық есептоп және 2 бірлік ұшқышсыз ұшу аппараты жұмылдырылды.