Қазақстандағы инфляция: Ұлттық банк баға баяу өскен аймақтарды атады
Сурет: Zakon.kz/Максим Золотухин
Өңірлер бойынша жылдық инфляция 16 өңірде бәсеңдеді, 2 өңірде жеделдеді және тағы 2 өңірде өзгеріссіз қалды.
Бұл ретте, желтоқсан айында елдегі айлық инфляция 0,8% болды.
Жылдық инфляцияның ең жоғары мәні Қарағанды, Ақмола және Маңғыстау облыстарында тіркелді.
Желтоқсанда азық-түлік тауарларының бағасы ж/ж 8,5%-ға дейін (қарашада – 9,2%) баяулады. Осы топтағы тауарлардың бағасы Ұлытау облысында (11,8%) мейілінше тез, ал Түркістан облысында (7,1%) баяу өсті.
Азық-түлікке жатпайтын тауарлар бағасының өсу қарқыны ж/ж 9,1%-ға дейін баяулады (қарашада – 9,9%). Ең жоғары мән Маңғыстау облысында (12,5%), ең төмен мән Ақтөбе облысында (7,5%) тіркелді.
Желтоқсанда ақылы көрсетілетін қызмет бағасы ж/ж 12,4%-ға дейін өсті (қарашада – 12,0%). Бұл ретте жалпы республикалық деңгейден баға Түркістан облысында (18,2%) біршама тез, Қызылорда облысында (9,5%) айтарлықтай баяу өсті.
