Министр Саясат Нұрбек болашақта сұранысқа ие болатын мамандықты атады
Сурет: Telegram/SayasatNurbek
Министрдің пайымдауынша, ел экономикасын дамыту үшін біз мықты инженерлік кадрларды тәрбиелеуіміз керек.
Қазақстандағы инженерлік кадрлар Қ.И.Сәтбаев атындағы ҚазҰТЗУ, академик Әбілқас Сағынов атындағы ҚарТУ, Ш.Есенов атындағы Каспий технология және инжиниринг университеті, Қарағанды индустриалды университеті, Ғ.Дәукеев атындағы Алматы энергетика және байланыс университеті, Д.Серікбаев атындағы Шығыс Қазақстан техникалық университеті сияқты техникалық жоғары оқу орындарында дайындалатыны баршаға мәлім.
"Техниктер" аграрлық, энергетикалық, металлургия, құрылыс, машина жасау және т.б. көптеген салаларда сұранысқа ие. Саясат Нұрбек
Қазір министрлік техникалық мамандарға білім беру тәсілін стратегиялық өзгерту бойынша жұмыстар жүргізуде, сондай-ақ шетелдік жоғары оқу орындарының тәжірибесін зерделеп, жоғары оқу орындарының базасын жақсартып, бейімдеуге күш біріктіріп отыр, деп жазды Саясат Нұрбекөзінің телеграм арнасында.
"Мысалы, аймақтық Д.Серікбаев атындағы ШҚТУ-да өткен жылдың соңында Тяньцзинь кәсіптік институтымен (ҚХР) бірлесіп, заманауи оқу платформаларында инженерлік практиканы қолдана отырып, инновациялық әдістер бойынша көлік инженер-студенттер оқытылатын бірегей Лу Бань шеберханасы ашылды. Шетелдік серіктес жоғары оқу орындарымен бірлескен жұмыс отандық жоғары оқу орындарының кәсібилігі мен жоғары білім деңгейін көрсетеді." Саясат Нұрбек
Биылғы жылы ШҚТУ базасында металлургия және пайдалы қазбаларды өндіру саласындағы Қазақстан-Германия ғылым және технологиялар институтын ашу жоспарлануда.
"Құрметті мектеп түлектері мен ата-аналар, мамандық таңдағанда техникалық мамандықтарға назар аударыңыз. "Техник" мамандары әрдайым қажет, себебі мұндай мамандықтың беделі күн өте артып келеді." Саясат Нұрбек
