Сыртқы істер министрлігі: Қазақстан Африка елдеріне балаларды асырап алуға бермейді

Сурет: Zakon.kz

ҚР СІМ ресми өкілі Айбек Смадияров сенатор Дархан Қыдырәлінің 100-ден астам қазақстандық жетім бала экзотикалық елдерге, соның ішінде Африкаға асырап алуға берілгені туралы ақпаратты жоққа шығарды, деп хабарлайды Zakon.kz.

Ол сондай-ақ депутаттың баланы шетелдіктер асырап алғаннан кейін Қазақстан билігі оның тағдырын бақылауды тоқтатады деген сөзімен де келіспеді.

"Біріншіден, шетел азаматтары асырап алған бала 18 жасқа толғанға дейін Қазақстан Республикасының азаматы болып қалады. Шетелдегі консулдарымыз оны арнайы бағдарлама бойынша қадағалап, көмек көрсетеді.Бірақ 18 жасқа толған соң қай елдің азаматтығын алатынын өзі шешеді. Егер ол осы елдің азаматтығын алса (асырап алған жері – ред. ескертпесі) біз ешқандай шара қолдана алмаймыз.Бірақ бұл жасқа дейін асырап алушы консулға хабарлауы керек. "Балалар туралы ақпарат жоқ" деген сөз шындыққа жанаспайды. Өйткені, біз барлық балалар туралы ақпаратты жинаймыз. Әрине, кейде олардың бір мекенжайдан екінші мекен-жайға ауысуы, ақпараттың болмауы да мүмкін". Айбек Смадияров

Ол сондай-ақ балаларды "экзотикалық елдердің" азаматтары асырап алады деген ақпаратты жоққа шығарды.

"Бұл өтірік. Өйткені тоқсаныншы жылдары бізде балаларды тек батыс елдерінің өкілдеріне беру туралы талап қойылды. Олар дипломат бола алады, балаларды асырап алды. Біз мұндай елдерге (Африка елдері. – Ред.) бала бермегенбіз. Білмеймін, "Мәліметтерді қайдан алды, біздегі мәлімет бойынша, біз балаларды Африка елдеріне бермегенбіз. Айбек Смадияров

Қазір оның айтуынша, консулдық есепте 18 жасқа дейінгі 1993 бала тұр.

Сенат депутаты Дархан Қыдырәлі шетелдіктер асырап алған жетім балалардың тағдырына алаңдады. Ол өзінің депутаттық сауалын Бас прокурор мен Премьер-министрге жолдады. Оның айтуынша, 120 баланы Оңтүстік Африка, Кения, Филиппин, Мексика, Мальта, Аргентина, Гватемала сияқты елдердің азаматтары асырап алған.

Оқи отырыңыз