Қазақстанның көптеген қалаларында қолайсыз ауа райы күтілуде

Сурет: Zakon.kz

"Қазгидромет" синоптиктерінің хабарлауынша, сәрсенбіде, 24 қаңтарда ауаның ластану жағдайлары күндіз Қарағанды, Теміртау қалаларында, тәулік бойы Астана, Алматы, Шымкент, Өскемен, Риддер, Павлодар, Петропавл қалаларында байқалады, деп хабарлайды Zakon.kz.

Қолайсыз ауа-райы жағдайлары (ҚАЖ) – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, аз жел, тұман, инверсия) жиынтығы. ҚАЖ пайда болған кезде елді мекендердегі атмосфералық ауаның сапасы нашарлауы мүмкін.

Ластану деңгейінің қалыптасуын анықтайтын маңызды факторлардың бірі синоптикалық жағдайды болжау (жел, жауын-шашын, ылғалдылық, ауа температурасы).

Бұған дейін Қазақстан Республикасының 10 облысында қарлы боран мен тұманға байланысты дауылды ескерту жарияланған болатын.

Оқи отырыңыз