Тұман мен бұрқасын: Астана мен Қазақстанның 13 облысында ауа райы қолайсыз болады
Сурет: Zakon.kz
Астанада көктайғақ, бұрқасын болады. Оңтүстік-батыстан соғатын желдің екпіні 15-20 м/с, күндіз кей уақытта 23 м/с.
Ақмола облысының батысы мен солтүстігінде қалың қар жауады. Мұз, қарлы боран. Облыстың басым бөлігінде оңтүстік-батыстан соғатын желдің екпіні 15-20м/с, таңертең және күндіз батыста, облыстың шығысында кей жерлерде 23-28 м/с. Көкшетауда қарлы боран соғады.
Қарағанды облысының солтүстігінде қарлы боран соғады. Жел оңтүстіктен, облыстың солтүстігінде оңтүстік-батыстан соғады, екпіні 15-20 м/с. Қарағандыда түнде бұрқасын болады. Оңтүстік, оңтүстік-батыстан соғатын желдің екпіні күндіз 18 м/с.
Батыс Қазақстан облысының батысын тұман басады.
Ұлытау облысының солтүстігінде, түнде Жезқазғанда қарлы боран соғады.
Таңертең және күндіз Алматы облысының оңтүстік жартысында кей жерлерде көктайғақ, тұман болады. Алматыда таңертең және күндіз кей жерлерде көктайғақ. Күннің соңында тұман түседі.
Күндіз батыста, Абай облысың орталығында бұрқасын болады. Оңтүстік-батыстан соғатын жел облыс орталығында 15-20, күндіз екпіні 25 м/с болады.
Түнде оңтүстікте, Түркістан облысының таулы және тау бөктеріндегі аймақтарында қатты жауын-шашын (жаңбыр, қар), көктайғақ болады. Облыс орталығында, оңтүстігінде, таулы және тау бөктеріндегі аудандарда тұман түседі.
Қызылорда облысының орталығын тұман басады.
Қостанай облысының солтүстігінде, шығысында, оңтүстік-шығысында қар жауып, бұрқасын болжанды.
Маңғыстау облысында облыстың батысы мен оңтүстігінде оңтүстік-шығыстан соғатын желдің екпіні 15-20 м/с.
Солтүстік Қазақстан облысында қар жауады, облыстың батысы мен оңтүстігінде қалың қар жауады. Аймақтың басым бөлігінде бұрқасын болады.
Павлодар облысының оңтүстігі мен батысында қарлы боран соғады. Оңтүстік-батыстан жел соғады, облыстың оңтүстігі мен батысында екпіні 15-20 м/с.
Күндіз оңтүстікте, Жамбыл облысының таулы аймақтарында көктайғақ болады. Түнде оңтүстікте, облыстың таулы аймақтарында қарлы боран соғады.
