Жаңалықтар тізбегі
0

Атырауда екі браконьерден ірі көлемде балық тәркіленді

балық Сурет: Жайық-Каспий облысаралық бассейндік балық шаруашылығы инспекциясы
Атырау облысында 107 келіге жуық қара балықты қолды етпек болғандар ұсталды, деп хабарлайды Zakon.kz Жайық-Каспий облысаралық бассейндік балық шаруашылығы инспекциясына сілтеме жасап.

Браконьерлік фактілердің жолын кесу мақсатында жүргізілген рейд кезінде "Урал" мотоцикліндегі 1986 және 1992 жылы туған екі азамат Құрманғазы ауданындағы Жарқос деген жерде Шарон өзенінің жағасында ұсталды. 

Мотоциклден көксерке, сазан, ақмарқа, табан, мөңке, қаракөз табылды - қапшықтарға салынған балықтың жалпы салмағы 107,5 келі болды. Балықпен бірге тыйым салынған аулау құралдары: алты дана тор, үш ілмек, сүймен және балта болды. 

Оқиға орнында Құрманғазы аудандық полиция бөлімінің жедел-тергеу тобы жұмыс істеп, тәртіп бұзушылар ұсталған жерде процессуалдық іс-шаралар жүргізді.

Балық ресурстарына келтірілген шығын - шамамен 663 мың 287 теңге.

Браконьерлік дерегі ҚР Қылмыстық кодексінің 335-бабының 3-бөлігі, 4-тармағы бойынша сотқа дейінгі тергеп-тексерудің бірыңғай тізіліміне тіркелді. Құқық қорғау органдары сотқа дейінгі тергеу амалдарын жүргізіп жатыр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: