ТЖМ-де радиациялық, химиялық және биологиялық барлау арнайы көлігін сынақтан өткізіп жатыр
![Алан-2, сурет - Zakon.kz жаңалық 28.01.2024 15:42](https://kaz.zakon.kz/pbi/WEBP/2024-01-28/file-ffcc9c0e-9a2f-479d-bd9b-38627b2c1ad2/400x225.webp)
Сынақтар тәжірибелік әскери пайдалану бағдарламасына сәйкес жүргізіледі, деп хабарлайды Zakon.kz.
Брондалған доңғалақты машиналарға тәжірибелік әскери сынақтар жүргізу бойынша ведомствоаралық өзара іс-қимыл шеңберінде Қорғаныс министрлігінің, Өнеркәсіп және құрылыс министрлігінің, ҰҚК Шекара қызметінің, ІІМ Ұлттық ұланының мамандары, сондай-ақ "Қазақстан Парамаунт Инжиниринг" ЖШС инженерлік-техникалық құрамы тартылды.
Сынақ барысында өтуі қиын жерлерде терең қар жамылғысын еңсере отырып, төмен температура жағдайында базалық шасси сыналып, жүргізіліп жаттықтырылды. Агрегаттар мен жүйелердің жұмыс қабілеттілігі, пайдалану-техникалық қасиеттері, техника агрегаттарының жүктеме, жылу және жылдамдық режимдері тексерілді.
Еске салайық, "Қазақстан Парамаунт Инжиниринг" ЖШС қазақстандық қорғаныс кәсіпорны ТЖМ техникалық тапсырмасы бойынша әзірлеген арнайы "Алан-2" радиациялық, химиялық, биологиялық барлау машиналары Қарағанды және Алматы облыстарында орналасқан ТЖМ әскери бөлімдеріне берілді. Биыл тағы екі арнайы көлік елдің батысы мен шығысындағы ТЖМ әскери бөлімдері техникасының паркін толықтырады.