Қазақстанда ветеринария заңнамасын бұзған 100 шенеунік жазаланды

Жетісу облысының табиғатты қорғау прокурорлары ветеринария туралы заңнаманы сақтау саласындағы уәкілетті органдардың қызметінде өрескел бұзушылықтарды анықтады.

"Облыс бойынша ветеринарияның лауазымды тұлғалары жануарларды вакцинациялау кезінде 33 мың заң бұзушылыққа, сондай-ақ жеке және заңды тұлғаларды әкімшілік жауапкершіліктен босатудың 526 фактісіне жол берген." Жетісу облысының прокуратурасы

Облыс аумағында "Сібір жарасы" ошақтарының иесіз 33 жерленген жері анықталды, онда оларды оқшаулау және сәйкестендіру шаралары жүргізілмеген.

"Ветеринариялық мекемелерде қызметкерлердің жалған диплом пайдаланғаны туралы 4 фактісі анықталды, тағы 124 қызметкер білімі мен тәжірибесі бойынша атқаратын қызметтеріне сәйкес келмеген." Жетісу облысының прокуратурасы

Барлық анықталған бұзушылықтар бойынша 100-ден астам лауазымды тұлға әртүрлі тәртіптік жауапкершілікке тартылды, оның ішінде аумақтың 3 инспекция басшысы мемлекеттік қызметтің беделін түсіретін теріс қылық үшін жауапқа тартылды.

Мемлекет кірісіне 3 млн теңгеден астам қаржы өтелді.

Оқи отырыңыз

"Еліміздің басым бөлігінде жаңбыр жауып, бұршақ түседі". 7 мамырға арналған ауа райы болжамы

18:26, 06 мамыр 2024

Алматыда Отан қорғаушы күніне арналған концерт өтті

17:00, 06 мамыр 2024

СҚО-да полицейлер зейнеткердің жоғалтып алған әмиянын тауып берді

16:53, 06 мамыр 2024