Сыр өңірінде "Адал адам" рухани-мәдени орталықтары ашылмақ
![Сыр өңірінде «адал адам» рухани-мәдени орталықтары ашылмақ, сурет - Zakon.kz жаңалық 29.01.2024 16:43](https://kaz.zakon.kz/pbi/WEBP/2024-01-29/file-c98f9119-1bfd-4bd2-8a5f-a38f9d2703d9/400x225.webp)
Бұл орталықтарда балалардың қабілеті шыңдалады, сырдариялық жас өнертапқыш Асылжан Абдуллаев, батыр жеткіншек Арман Аманжоловтай патриоттардың үлгісі насихатталады.
"Күні кеше республикалық телеарналардан Сырдария ауданының 11-сынып оқушысы Асылжан Абдуллаевтың жасанды интеллектті алғаш болып қазақша сөйлеткені туралы ақпарат жарияланды. Ауыл баласының ұшы-қиыры жоқ ғаламтор кеңістігіне жаңашылдық әкелгені көпті таң қалдырды. Мектепті биыл тәмамдайтын жас технократқа қазірдің өзінде еліміздегі 3 жоғары оқу орны – Астана ІТ университеті, СеулТех университетінің Қызылорда қаласындағы филиалы, Қорқыт Ата атындағы Қызылорда университеті грант ұсынуда.
![Сыр өңірінде , сурет - Zakon.kz жаңалық 29.01.2024 16:43](https://kaz.zakon.kz/pbi/WEBP/2024-01-29/file-0c17edd5-ca76-4627-b640-008cbcdc364d/800x450.webp)
Сурет: Қызылорда облысы әкімінің баспасөз қызметі
Бүгінгідей мүмкіндіктер дәуірінде біздің жеткіншектеріміздің жарқырай көрінетініне, биіктерге ұмтылатынына ұстаздар да, ата-аналар да, бәріміз сенім артамыз, қолдау көрсетеміз.
Барлық бала Асылжандай жас өнертапқышқа, Қызылорда қаласында құдыққа түскен екі жасар сәбиді құтқарып қалған Арман Аманжоловтай патриот ұлдарымызға қарап, бой түзеуі керек", – деді Нұрлыбек Машбекұлы.
Облыс әкімі жасөспірімдер тәртібі мәселесіне тоқталып, қылмыстың алдын алу және болдырмауға қатысты іс-шараларды жандандыруды талап етті.
![Сыр өңірінде , сурет - Zakon.kz жаңалық 29.01.2024 16:43](https://kaz.zakon.kz/pbi/WEBP/2024-01-29/file-c441f7fc-8d62-4898-8f75-43910992e7a9/800x450.webp)
Сурет: Қызылорда облысы әкімінің баспасөз қызметі
"Білім ошақтарында қылмыстық психологияның таралуын, кәмелетке толмағандардың қатысуымен жасалатын келеңсіздіктерді түбірімен жоюымыз қажет. Сондықтан осы жиынға облыстық полиция департаменті арнайы шақырылды. Мемлекет басшысы: "Балалар арасында жалпыадамзаттық және ұлттық құндылықтарды дәріптеген абзал. Оқушылар мектеп бітіргенде, ең алдымен, Адал азамат болып шығуы керек", – деді.
Бүгінгі мәжіліске әр ауданнан ардагерлер, қоғамдық кеңес, әйелдер кеңесі төрағалары мен өкілдері арнайы шақырылды. Бала тәрбиесіне тек ата-ана, мұғалім ғана емес, қоғам болып атсалысуымыз керек. Оқушылар мен жастарымызға зиялы қауымның, ақсақал-абыздарымыздың сөзі өтімді болуы тиіс. Бұрынғыдан бізге жеткен "жастай берген тәрбие – жас шыбықты игендей" деген сөз бар. Бұзақылықтың себебінің бірі – бос уақыттың көп болуында. Ювеналды полиция бөлімшесі жұмысының тиімділігіне жан-жақты талдау жасалу керек", – деді Н.Нәлібаев.
Еске салсақ, өткен жылдың ақпан айында "Отбасы – тәрбие бесігі" тақырыбында облыстық ата-аналар кеңесі өткізілді. Бұл жұмыстар қала, аудан, ауылдарда жалғасын тапты. Дегенмен, әзірге нәтиже көңіл көншітпейтінін атап өткен аймақ басшысы осы бағытта әрі қарай да шаралар қабылдау қажеттігін қаперге салды.
![Сыр өңірінде , сурет - Zakon.kz жаңалық 29.01.2024 16:43](https://kaz.zakon.kz/pbi/WEBP/2024-01-29/file-3e472aff-bfd7-4c55-938d-0aeff1828a45/800x450.webp)
Сурет: Қызылорда облысы әкімінің баспасөз қызметі