Павлодар облысында ер адам тағы да мас күйінде анасымен жалжалдасқан

Павлодар облысында учаскелік инспекторлар бақылаудағы құқық бұзушылардың үйін аралап жүргенде ұлының мас күйінде анасымен жанжал шығарғанын анықтады, деп хабарлайды Zakon.kz polisia.kz-ке сілтеме жасап.

Осылайша, ол қорғау нұсқамасын бұзған.

Сот оны 20 тәулікке қамауға алды.

"Бүгінгі таңда есепте құқық бұзушылық пен қылмыс жасаған 120 мың адам тұр. Бақылау барысында белгіленген шектеулердің 1,5 мың бұзушылығы анықталды. Қорғау нұсқамасын бұзғаны үшін 557 агрессор және мінез-құлыққа қойылған ерекше талаптарды орындамағаны үшін 531 құқық бұзушы қамауға алынды", - дейді полицейлер.