Елордалық полицейлер тұрғыннан 12 келіден астам гашиш тәркіледі

Есірткі қылмысына қарсы күрес басқармасының қызметкерлері елордада есірткі жеткізу және сатумен айналысқан тұлғаларды ұстады.

Жедел-іздестіру іс-шаралары барысында полицейлер автокөлікті тоқтатып, оны тінту барысында есірткі заты гашиш салынған 123 дана Zip-Lock пакеттері табылып, тәркіленді.

Құрықталған 46 жастағы көлік жүргізушісінің тұратын үйін тінту кезінде оның қала аумағында сатуға арналған бір полиэтилен пакеті және тағы гашиш салынған 28 Zip-Lock пакеттегі есірткі заты табылған.

Нәтижесінде 12,5 келіге жуық гашиш есірткі заты заңсыз айналымнан шығарылды. Қылмыстық тергеп-тексеру аясында еліміздің оңтүстік өңірлерінен елордаға есірткі жеткізу және сатумен айналысқан қылмыстық тізбегіндегі басқа да сыбайластарды анықтау бойынша жедел іздестіру шаралары жүргізіліп жатыр.

Қазіргі уақытта есірткі құралдарымен, психотроптық заттармен, сол тектестермен және прекурсорлармен заңсыз айналысу фактісі бойынша сотқа дейінгі тергеу амалдары жүргізіліп жатыр. Ұсталған азамат уақытша ұстау изоляторына қамалды.