Жаңалықтар тізбегі
0

Қазақстанда запастағы офицерлер неге әскери қызметке шақырылады

Қазақстанда запастағы офицерлер неге әскери қызметке шақырылады Сурет: Zakon.kz, Қазақстан Республикасы Қорғаныс министрлігінің баспасөз қызметі
ҚР Қорғаныс министрлігі бүгін, 2024 жылдың 31 қаңтарында запастағы офицерлерді екі жылға әскери қызметке шақыру себебін түсіндірді, деп хабарлайды Zakon.kz.

Қорғаныс министрлігінің мәліметінше, запастағы офицерлерді шақырудағы негізгі мақсат – офицерлерлік құрамдағы лауазымдардың толық жасақталмауы.

Әскерге шақыру "Әскери қызмет және әскери қызметшілердің мәртебесі туралы" Заңның 32-бабына сәйкес жүзеге асырылады. Запастағы офицерлерге қойылатын негізгі талап – 29 жастан аспаған (медицина қызметінің запастағы офицерлері үшін 32 жасқа дейін), денсаулығы әскери қызметке жарамды және талап етілетін әскери-есептік мамандығы болуы керек. Әскери қызмет өткерген запастағы офицерлер әскерге шақырылудан босатылады.

2024 жылы медициналық, авиациялық, инженерлік, артиллериялық, радиотехникалық, тәрбие-идеологиялық, тылдық, әскери-көліктік, ақпараттық және барлау сияқты неғұрлым талап етілетін әскери-есептік мамандықтар бойынша шақыру жүргізілетін болады.

Кейбір жағдайларда запастағы офицерлерді шақыру аумақтық жинақтау принципін ескере отырып, яғни әскери қызметке шақырылатын офицерлердің әскери есепке алу немесе тұрақты тұру орны бойынша өтетін болады. Шақыруға мүдделі үміткерлерге және жұмысқа орналаспаған запастағы офицерлерге басымдық беріледі.

Қазақстан Республикасы Үкіметі қаулысының жобасында 2024 жылы запастағы 600 офицерді Қарулы күштерге, басқа да әскерлер мен әскери құралымдарға (Шекара қызметі – 80, Ұлттық ұлан – 42, Төтенше жағдайлар министрлігі – 30) 152 офицерді шақыру көзделген. Запастағы офицерлерді іріктеуді барлық қажетті іріктеу шараларын ұйымдастыратын жергілікті әскери басқару органдары жүзеге асырады.

Әскери қызмет өткеру саласындағы заңнамаға сәйкес запастағы офицерлерді әлеуметтік қамсыздандыру деңгейі келісімшарт жасасқан офицерлерге теңестірілген. Әскери қызмет өткеру кезеңінде олар толық көлемдегі ақшалай үлеспен, тұрғын үй төлемдерімен, заттай мүлікпен, тамақпен, медициналық көмекпен және үлестің басқа да түрлерімен қамтамасыз етіледі.

Әскери қызмет өткеру үшін шақырылатын запастағы офицерлер санын ұлғайту Қарулы күштердің жауынгерлік әзірлігін арттыруға және әскери-есептік мамандығы бойынша әскери оқытылған резервті жинақтауға бағытталған.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: