Қызыл кітапқа енген қарақұйрықты аулаған браконьер ұсталды

2024 жылдың 31 қаңтарда Шу-Талас облысаралық бассейндік балық шаруашылығы инспекциясының мемлекеттік инспекторларымен және Сарысу орман шаруашылығы мемлекеттік қызметкерлерімен бірлескен кезекті рейдтік іс-шара өтті, деп хабарлайды Zakon.kz.

Рейд кезінде Сарысу ауданында заңсыз қызыл кітапқа енген жануарлардың сирек кездесетін және құрып кетуге қауіпі төнген қарақұйрық аңын заңсыз аулаған азамат ұсталды.

Сурет: ҚР ЭТРМ Балық шаруашылығы комитетінің баспасөз қызметі

Ұсталған азаматтан 1 қарақұйрық, 1 қоян, 1 шіл аңдары және ұңғыл ату мылтықтары тәркіленді.

Аталған дерек бойынша, ҚР ҚК 337 бабының 4-ші тармағының 2-ші тармақшасына сәйкес қылмыстық істі сотқа дейін тергеп тексеру үшін Сарысу аудандық полиция бөліміне тапсырды.

"Жалпы табиғатқа 4 467 320 теңге залал келтірді." ҚР ЭТРМ Балық шаруашылығы комитетінің баспасөз қызметі