Мемлекет басшысы қазақстандықтарды Ұлттық баcылым күнімен құттықтады

Мемлекет басшысы Қасым-Жомарт Тоқаевтың Ұлттық баcылым күнімен құттықтауы, сурет - Zakon.kz жаңалық 02.02.2024 09:44

Сурет: akorda.kz

2024 жылғы 2 ақпанда Қасым-Жомарт Тоқаев Ұлттық баспасөз күнімен құттықтауын жариялады, деп хабарлайды Zakon.kz.

Мемлекет басшысының пікірінше, сонау 1913 жылы, дәл осы күні еліміздің баспасөз саласының бастауында тұрған "Қазақ" газетінің алғашқы саны жарық көрді. Халқымыздың біртуар перзенттері – Алаш арыстары шығарған бұл басылым сындарлы сәттерде ұлтты ұйыстыруға айрықша ықпал етті.

Сөз бостандығына адалдығынан айнымаған басылымдар әрдайым шынайы ақпараттың және сапалы сараптаманың қайнар көзі болып қала береді. Газет-журналдар замана тынысын дөп басып, мемлекет пен қоғамдағы қордаланған мәселелерді көтереді, түрлі көзқарастағы ой-пікірлерді жарыққа шығарады. Сондай-ақ жалпы адамзатқа ортақ ізгі құндылықтарды дәріптейді. Қасым-Жомарт Тоқаев

Баспасөз қызметкерлері кәсіби біліктіліктің, отаншылдық пен жауапкершіліктің озық үлгісін көрсетіп келеді, - деп айтты президент.

"Біздің басылымдарымыз халықтың бірлігін нығайтуға атсалысып, Әділетті Қазақстанды құру ісіне елеулі үлес қоса береді деп сенемін. Сіздерге зор денсаулық, бақ-береке және шығармашылық шабыт тілеймін!" Мемлекет басшысы

Оқи отырыңыз