Жаңалықтар тізбегі
0

Жаңа ЕТЖ Алматыда нүктелі құрылысқа тыйым салады

Жаңа ЕТЖ Алматыда нүктелі құрылысқа тыйым салады Сурет: unsplash
Алматы әкімдігі бекіткен егжей-тегжейлі жоспарлаудың жаңа жобалары нүктелі құрылысқа тыйым салады. Жаңа ЕТЖ қаланың 2040 жылға дейінгі Бас жоспарына сәйкес әзірленді, онда мегаполисті дамытудың моноцентристік моделінен полицентристікке көшу қағидасы жатыр.

Алматы қаласы әкімдігінің баспасөз қызметі берген ақпаратқа сай, қалалық жоспарлау және урбанистика басқармасы жаңа ЕТЖ-да қазақстандық қала құрылысы тәжірибесінде алғаш рет ақылға қонымды тығыздықтағы тоқсандық құрылыс және барлық көшенің қызыл сызығы қолданылатынын атап өтті.

Бұл ретсіз және нүктелі құрылысқа тыйым салып, қайта жаңартуда да, жаңа құрылыс кезінде де көше-жол желісін ретке келтіреді.

Бұл ретте, әрбір ЕТЖ-да халықтың тығыздығы, сонымен қатар, коммуналдық, көліктік, энергетикалық және әлеуметтік инфрақұрылым ескерілген.

Естеріңізге сала кетейік, Бас жоспар бойынша Алматының құрылыс тығыздығы ірі қалаларға нормативтер бойынша қойылған талаптан төмен. Бұған қоса, Алматы қаласының әкімдігі тау бөктерінде құрылыс салуға тыйым салу және құрылыстың сейсмикалық қауіпсіздігін қамтамасыз ету бойынша жоспарлы жұмыс жүргізіп отыр.

Сонымен, тау беткейінің тіктігі 15 градустан асатын жерлерде аз қабатты көппәтерлі ғимараттар салуға да тыйым салынады. Бұл норма тау бөктеріндегі құрылыстың дамуына жол бермейді.

Абай даңғылының оңтүстігінде, Әл-Фараби даңғылының солтүстігінде, Әшімов көшесінің шығысында, ШААЖ батысындағы үйлер 9 қабаттан аспауы керек.

Осы және басқа қала құрылысы шектеулері құрылыс тығыздығын төмендетеді және қауіпсіздікті арттырады.

Жалпы, ЕТЖ тұрақты және функционалды қалалық кеңістік құруға бағытталған. Олар қала құрылысын аймақтарға бөлудің, қызыл сызықтардың, халыққа әлеуметтік, мәдени және коммуналдық қызмет көрсету нысандарын орналастыру үшін аумақтарды резервтеудің, көше-жол желісін ұйымдастырудың, инженерлік коммуникацияларды жүргізудің, аумақтарды абаттандыру мен көгалдандырудың негізгі бағыттарын белгілейді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: