Мемлекет басшысы: Салықты жайдан жай көбейте салуға болмайды

Тоқаев салықтар туралы: Сіз оларды жай ғана көбейте алмайсыз, сурет - Zakon.kz жаңалық 07.02.2024 11:14

Сурет: pexels

Қасым-Жомарт Тоқаев үкіметте сөз сөйлеп, ұлттық экономиканы сапалы, қарқынды дамытудың кезек күттірмейтін міндетін айтты, деп хабарлайды Zakon.kz.

Мемлекет басшысының сөзінше, алдымызда ұлттық экономиканы сапалы әрі қарқынды дамыту деген өте маңызды міндет тұрғанын терең түсіну қажет.

"Табыс пен мүлікке салық салудың жаңа жүйесін енгізбесек, кәсіпкерлерді табысын қалтаға баспай, бизнесін дамыту үшін жұмсауға ынталандырмасақ, арнайы салық режимдерін өзгертпесек, бұл міндетті орындай алмаймыз. Сондықтан Салық кодексі секілді стратегиялық маңызы бар құжатты әзірлеуге осы сала мамандарынан бөлек экономистер мен бизнес өкілдері жұмылдырылуы қажет. Әрине, бюджет қоржынын толтыру міндетін ұмытуға болмайды. Экономика неғұрлым қуатты болса, соғұрлым көп салық түседі деген қағидатты берік ұстану керек." Қасым-Жомарт Тоқаев

Президенттің сөзінше салықты жайдан жай көбейте салуға болмайды.

"Ең алдымен, салық салу жүйесін реттеп, оны жетілдіру қажет. Сондай-ақ, көлеңкелі экономиканы барынша азайту керек. Яғни, салық жүйесін басқару жұмысы дұрыс жолға қойылмаса, ең озық деген салық саясатының өзі тиімсіз болып шығады." Мемлекет басшысы

Үкімет салық жеңілдіктерін берудің ашық әрі нақты ережелерін әзірлеуге тиіс, деп қадап айтты президент.

"Қаржы министрлігінің мәліметі бойынша жеңілдік берудің салдарынан жыл сайын бюджетке орташа есеппен 7 триллионға жуық теңге кем түседі. Мен салық жеңілдіктерін 20 пайызға азайту туралы тапсырма бердім. Бірақ, әлі күнге дейін орындалған жоқ, тіпті, мәселені шешу жолдары да әзір емес". Президент

Оқи отырыңыз