Ақтөбе тұрғыны "кезексіз пәтер аламын" деп алданып қалды
![ақша, сурет - Zakon.kz жаңалық 09.02.2024 18:44](https://kaz.zakon.kz/pbi/WEBP/2024-02-09/file-8551cae8-67d4-4da7-9485-7d733be83a6d/400x226.webp)
Полицияға Ақтөбе тұрғыны алаяқтың құрбаны болғанын айтып арызданған. Жәбірленушінің айтуынша, аса таныс емес әйел оны мемлекеттік бағдарлама арқылы кезексіз пәтер алып беруге көмектесетініне сендіріп, өз қызметі үшін 700 000 теңге сұраған, деп хабарлайды Zakon.kz.
Ол кезексіз пәтер алатынына сенімді болып, алаяққа беру үшін өз атына банктен несие рәсімдеген. Алайда ақшаны алғаннан кейін танысы өз уәдесінде тұрмаған.
Полиция қызметкерлері жедел-іздестіру іс-шараларын өткізу барысында күдікті ретінде 36 жастағы жергілікті тұрғынды анықтап, полиция бөліміне жеткізді.
Күдікті кінәсін мойындады. Алаяқтық фактісі бойынша сотқа дейінгі тергеп-тексеру жүргізіліп жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript