Ақтөбе полицейлері азаматтарды алдап, қомақты қаржыны қалтаға басқан күдіктілерді анықтады
![Ақтөбе полицейлері азаматтарды алдап, қомақты қаржыны қалтаға басқан күдіктілерді анықтады, сурет - Zakon.kz жаңалық 11.03.2024 15:29](https://kaz.zakon.kz/pbi/WEBP/2024-03-11/file-77c52933-d912-4564-8c87-783943a864ba/400x300.webp)
Полицияға Ақтөбе қаласының тұрғыны алаяқтың құрбаны болғаны туралы арызданды. Тексеру барысында жәбірленушіге онша таныс емес адам Астана қаласынан 7-20-25 бағдарламасы бойынша банк арқылы пәтер сатып алуға көмектесетінін айтып, оның 1,5 млн теңгесін иемденген.
Жедел іс-шараларды өткізу барысында полицейлер 30 жастағы астаналық әйелді анықтап, полиция бөліміне жеткізді. Күдікті өз кінәсін мойындады.
Сондай-ақ қалалық полиция бөліміне жергілікті тұрғын алаяқтық туралы арызданды. Жәбірленушінің айтуынша, бейтаныс адам оған жер учаскесін сатуға уәде беріп, алаяқтық жолмен 1 млн теңгесін иемденген.
Жедел-іздестіру іс-шараларының нәтижесінде полицейлер күдіктінің жеке басын анықтады. Ол облыс орталығының 34 жастағы тұрғыны болып шықты.
Күдіктінің ақшаны өз қажеттіліктеріне жұмсағаны анықталды. Екі дерек бойынша сотқа дейінгі тергеп-тексеру жүргізіліп жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript