Самара-Шымкент тас жолының Ақтөбе облысына іргелес бөлігі жеңіл көліктер үшін ашылады

Сурет: видеодан скриншот

Самара-Шымкент автожолында 4-ақпаннан бастап қарқынды жұмыстар атқарылып жатыр. Қазір көрші облыстардан қосымша техника жеткізіліп, Ақтөбе-Хромтау учаскесінде 28 жол техникасы жұмылдырылған.

Жолшылар тәулік бойы қар күреп жатыр. Дегенмен жұмыс жылдамдығына ауа райынан басқа да әсер ететін факторлар бар. Бұл - жолда қалған көліктер.

"Жолшылар 200-ден астам көлікті алып шыққанымен, боранның алғашқы күндерінде ірі габаритті жүк көліктерін жолда екі қатармен қалдырып кеткен жүргізушулер бар. Сол себептен арнайы техниканың қозғалысы қиындап тұр. Әр жүк көлікті қардан шығаруға кемі 40 минуттай уақыт жұмсалып, жұмысты жылдамдату үшін бульдозерлер қолданылып жатыр", - деп түсіндірді "ҚазАвтоЖол".

"ҚазАвтоЖол" ҰК" АҚ Ақтөбе облыстық филиалы директоры Айбол Данағұлдың айтуынша "Қауіпсіз қозғалыс мүмкіндігі қамтамасыз етілген сәтте, бірінші кезекте жеңіл көліктерге жол ашылады".

Оқи отырыңыз