Ұлттық қауіпсіздік комитеті құны 150 миллион теңге болатын мефедронмен алматылық тұрғынды ұстады

Ұлттық қауіпсіздік комитетінің Алматы облысы бойынша департаменті синтетикалық есірткі өндіретін жасырын зертхананың қызметін тоқтатты, деп хабарлайды Zakon.kz.

Комитеттің мәліметінше, 2024 жылдың 6 ақпанында Алматы қаласының іргесіндегі жеке үйлердің бірінде есірткі зертханасының ұйымдастырушысы, 1995 жылы туған Қазақстан азаматы психотроптық заттарды дайындау барысында қылмыс үстінде ұсталған.

"Тінту барысында 40 мың бір реттік дозаға эквивалентті 8 кг артық "мефедрон" психотроптық заты, сондай-ақ оларды дайындайтын құрылғы мен компоненттері алынды." ҰҚК баспасөз қызметі

Анықталған есірткінің "қара" нарықтағы алдын ала құны 150 млн теңгеден артық сомаға бағаланады.

"Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде." ҰҚК баспасөз қызметі

ҚР Қылмыстық-процестік Кодекстің 201-бабы 1-бөлігіне сәйкес өзге ақпарат жария етуге жатпайды.