Биыл еліміздегі мектептер жоғары жылдамдықтағы интернетке қосылады

Биыл қазақстан мектептерінің 80%-на дейін жоғары жылдамдықтағы интернетке қосылады, сурет - Zakon.kz жаңалық 26.02.2024 10:50

Сурет: phxere

Қазақстанда 2024 жылы орта білім беру ұйымдарын жылдам және тұрақты интернетпен қамту 65 пайыздан 80 пайызға дейін артады, деп хабарлайды Zakon.kz.

Биыл қазақстан мектептерінің 80%-на дейін жоғары жылдамдықтағы интернетке қосылады. Бұл туралы ҚР Оқу-ағарту министрлігінің баспасөз қызметі хабарлайды.

Бұл шара оқыту үшін қолайлы жағдайлар жасауға және білім беру сапасын жақсартуға бағытталған.

"Мектептерде жоғары жылдамдықтағы интернетті қамтамасыз етудің бірнеше маңызды артықшылықтары бар. Біріншіден, бұл оқушылар мен мұғалімдерге үлкен көлемдегі ақпарат пен білім беру ресурстарына қол жеткізуге мүмкіндік береді, оқу процесі мен ой-өрісті кеңейтуге ықпал етеді. Екіншіден, жоғары жылдамдықтағы интернет түрлі онлайн-платформалар арқылы басқа мектептермен және білім беру мекемелерімен өзара іс - қимыл жасау мүмкіндігін қамтамасыз етеді, коммуникацияны дамытуға және тәжірибе алмасуға ықпал етеді", - деп атап өтті цифрландыру департаменті директорының міндетін атқарушы Майра Маралбаева.

Айта кетейік, министрлік қолданыстағы инфрақұрылымды жаңғырту, желілік қамтуды кеңейту, деректерді беру жылдамдығын арттыру және шалғай, тұрғыны аз аудандарда интернеттің қолжетімділігін қамтамасыз ету сияқты түрлі шараларды жоспарлауда.

2024 жылдың 24 ақпанында Цифрлық даму, инновациялар және аэроғарыш өнеркәсібі министрі Бағдат Мусин Қазақстанға Starlink жабдығының алғашқы 500 жиынтығы келгенін хабарлады. Осы мақсатпен Алматыға өзі келген.

Оқи отырыңыз