Бишімбаев ісі бойынша тергеушіге "шабуыл жасалған" видеоға Астана полициясы түсініктеме берді
Сурет: Instagram/astana_pokazhet
Бүгін, 2024 жылдың 4 наурызында әлеуметтік желілерде Астанада бұрынғы Ұлттық экономика министрі Қуандық Бишімбаевтың ісі бойынша тергеушіге шабуыл жасалды деген видео пайда болды. Елордалық полиция департаменті оған жауап берді, деп хабарлайды Zakon.kz.
Видео egovpress Telegram арнасында жарияланған. Басылымның кейбір дереккөздерге сілтеме жасап хабарлауынша, Қуандық Бишімбаевтың қылмыстық ісін тергеп жатқан тергеу-жедел тобының тергеушісі әйелге зорлық-зомбылық жасалып, күдіктінің ұсталғаны айтылады.
"Бишімбаевқа қатысты қылмыстық істі тергеп жатқан тергеушіге шабуыл жасалды деген ақпарат шындыққа жанаспайды. Жәбірленушінің әрекеті бұл тергеуге қатысы жоқ", - деп хабарлады Zakon.kz тілшісіне Астана полиция департаментінің баспасөз қызметі.
Ведомство күдіктінің анықталып, уақытша ұстау изоляторына қамалғанын атап өтті.
"Бұған дейін қылмыстық іс заңдылығын тексеріп, сотқа жіберу үшін прокуратураға жолданған. Полиция департаменті жалған ақпарат таратқаны үшін қолданыстағы заңнамаға сәйкес жауапкершілікке тартылатынын ескертеді", - деп толықтырды Астана қаласының полиция департаменті.
Бұл видео әлеуметтік желілерде 2024 жылдың 12 ақпанында тарағанын ескеріңіз. Одан кейін Астанадағы тұрғын үй кешендерінің бірінің жанында ер адамның қызға шабуыл жасағаны хабарланды. Астаналық келіншекті тұншықтырып, көліктің артына сүйреп апарған қарақшының Семей маңында ұсталғаны кейінірек белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
