Қарағанды облысында балалар жаппай көкжөтел жұқтырып алып жатыр
Сурет: pixabay
Дәрігерлер кішкентай науқастардың 80 пайызы кезінде екпе салдырмағанын айтады. Көкжөтел жұқтырғандар былтыр күзден бастап тіркеле бастаған. Жаңа жылдан бері, тіпті қарқын алыпты. Бүгінге дейін 48 бала ауырған. Көбі емделіп щыққан. Қазір ауруханада алты бала жатыр. Біреуінің жағдайы ауыр. Оған ұзақ уақыт диагноз дұрыс қойылмай ауруы асқынып кеткен. Өйткені көкжөтелді көбінесе кәдімгі тұмаумен шатастырады. Балаға қатты әсер ететін кесел дендесе, өкпе қабынып, ауа жетпей, ми зақымдалады. Екі жасқа дейінгі бала тоқтамай жөтелсе, қабырғасы сынатын көрінеді. Тыныс алу жолдары бітелсе, тек жансақтау бөлімінде емдеу керек. Үйде емделуге тыйым салынады. Дәрігерлер бұл — бала туғаннан кейін 18 айға дейін көкжөтелдің екпесін салдырмаудың салдары екенін айтады, деп хабарлайды КТК.
"2020 жылдарда осы аурудың өсімі байқалды. Ол негізінен дамымай қалған, кедей елдерде көп тіркелді. Ал бізде басқа проблема. Мемлекет вакцинамен жеткілікті деңгейде қамтыса да екпеден бас тартатындар көбейді. Оның салдары ауыр болатынын тұрғындар түсіне бермейді". Облыстық жұқпалы аурулар орталығының дәрігері Роза Бегайдарова
