Тарихшылар: Сарайшықта қазақтың 9 ханы жатыр

Сарайшықта 9 хан жатыр, сурет - Zakon.kz жаңалық 18.03.2024 15:51

Сурет: wikimedia

Сарайшықта қазақтың 9 ханы жатыр. Шежірелі Атырауда өткен ұлттық құрылтайға қатысқан сарапшылар мен тарихшылар осылай дейді. Олардың арасында Қазақ хандығын қуатты мемлекетке айналдырған Қасым хан да бар.

Ұлы Жібек жолының бойында тұрған қала бір кездері айрықша геостратегиялық рөл атқарып қана қоймай, өркениет бастауы болған, деп жазады qazaqstan.tv.

Тіпті, сол ғасырларда қалада су мен кәріз құбыры әр үйге тартылған. Бұл туралы келелі жиынға қатысқан Халық қаһарманы Тоқтар Әубәкіров айтты.

Ол "Ақорда" бағдарламасына берген сұхбатында көне шаһарды қалыпқа келтіру міндетіміз деді.

"30 жыл бұрын осында келгенде Мұхтар Шаханов екеуіміз сол жақта көргенбіз. Сонда менің таң қалғаным сол Сарайшықтың тастарын қопарып жатқанда кәріз құбыры табылған. Мен ойлаймын қандай біздің халық дарынды болды. Мәдениет деген өте жоғары болып, бүгінгі күні қазақ халқы соны жоғалтпай әлі ұстап әкеле жатырмыз." Тоқтар Әубәкіров, Халық қаһарманы, Ұлттық құрылтай мүшесі

Оқи отырыңыз