Мәскеудегі лаңкестік әрекет: шабуылға қатысты азаматтар ұсталды
Сурет: РИА Новости
Атыс жасады деген алты лаңкестің төртеуінің тұлғасы белгілі болды. Олардың барлығы Тәжікстан азаматтары деп жазады Baza Telegram арнасы.
Тағы бір Telegram "Раньше всех. Ну почти" арнасы Брянск облысында мемлекеттік шекараға қарай жүріп бара жатқан ақ түсті Renault көлігі ұсталды, онда "Крокус Сити Холлға" шабуыл жасаған лаңкестер болуы мүмкін еді.
Ұстау кезінде атыс болды, ұсталғандар Тәжікстан азаматтары болуы мүмкін, деп хабарлады арна дереккөзі.
Ұсталған екі азаматқа қатысты тергеу шаралары жүргізілуде. Алдын ала мәлімет бойынша, олардың шабуылға қатысы бар екені анықталды. Қалған күдіктілер, барлығы 6 адам, барлығы Тәжікстанның тумасы, іздеу жалғасуда, деп жазады "Осторожно, новости" арнасы.
Тәжікстанның Сыртқы істер министрлігі Мәскеу облысындағы лаңкестік әрекетке республика азаматтарының қатысы бар деген ақпаратты жалған деп атады, деп жазады ТАСС. Тәжікстан Ресей билігінен республика азаматтарының Мәскеу облысындағы терактіге қатыстылығы туралы ақпарат алған жоқ, деп хабарлады СІМ.
Қазіргі уақытта Крокус Сити Холлдағы атыс салдарынан кем дегенде 83 адам қаза тапқаны белгілі, оның үшеуі балалар, деп жазады Baza. Ақпаратты ресми органдар растаған жоқ.
Крокус Сити Холлдағы теракт салдарынан үш бала қаза тапты, деп жазады РИА Новости жергілікті денсаулық сақтау министрлігіне сілтеме жасап.
Ресейдің түкпір-түкпірінде кешегі терактіде қаза тапқандарды еске алу митингілері өтіп жатыр. Қалалардың БАҚ экрандарында жоқтау жазулары бар.
Астанадағы Ресей елшілігі мен Алматыдағы бас консулдық ғимараттарына гүл шоқтары әкелінді.
Ресей Денсаулық сақтау министрлігі лаңкестік әрекеттен зардап шеккендердің жаңартылған тізімін жариялады. Тізімде 107 адам бар.
Ресейдің Қазақстандағы Елшілігі көрсетілген ынтымақ пен жанашырлық үшін алғысын білдірді.
23 наурызда Президент Қасым-Жомарт Тоқаев Қауіпсіздік кеңесінің мүшелерімен Ресей Федерациясындағы лаңкестік әрекетке байланысты шаралар туралы кеңес өткізеді.
