Түркістан облысында есірткі қойып кетушіден мефедронның 200-ден астам дозасын тәркіледі

Заң бұзған адам жауапқа тартылды, сурет - Zakon.kz жаңалық 01.04.2024 14:37

Сурет: ҚР ІІМ

2024 жылдың 1 сәуірінде Түркістан облысының полициясы жедел-іздестіру шаралары барысында, синтетикалық есірткі қойып кетуші Шымкент қаласының тұрғынын ұстады, деп хабарлайды Zakon.kz.

Ведомстваның мәліметінше, жедел уәкілдер скутер мінген жігітті тексеру кезінде, Шымкент қаласы тұрғынының сөмкесі мен қалтасынан 130-дан астам синтетикалық есірткі салынған ораманы тапты.

Ал үйін тінту кезінде "синтетикаға", сондай-ақ гашиш пен марихуанаға ұқсас ұнтақ заты бар 8 ораманы тәркіледі.

Полиция қызметкерлері тәркілеп алған синтетикалық есірткі мефедронның 200 дозасын құрайды. Қазіргі уақытта осы факті бойынша қылмыстық іс қозғалды.

Күдікті қамалды. Тергеу жүргізіліп, барлық жағдайлар анықталып жатыр.

Оқи отырыңыз