Еліміздің бірқатар аймақтарындағы автомобиль жолдарында қозғалысқа шектеу қойылды

Су тасқыны , сурет - Zakon.kz жаңалық 08.04.2024 09:30

Сурет: primeminister.kz

"Қазавтожол" ҰҚ" АҚ су тасқынына байланысты республикалық маңызы бар трассалардағы жол қозғалысы жайлы мәлімдеді,- деп хабарлайды Zakon.kz.

"Республикалық маңызы бар автомобиль жолдарындағы су тасқыны туралы ағымдағы ақпарат 2024 жылғы 8 сәуірдегі сағат 07:00-дегі жағдай бойынша халықаралық және республикалық маңызы бар автомобиль жолдарында ауа-райының жылынуы мен қардың тез еруі салдарынан 4 облыста (Атырау, СҚО, Павлодар, Қостанай) 7 жол жүру учаскесінде жалпы ұзындығы 3206 метр болатын су тасқыны орын алды.",- делінген ведомства хабарламасында.

Сонымен қатар, 7 облыстағы (Ақтөбе, Ақмола, Атырау, Қостанай, Павлодар, Маңғыстау, СҚО) республикалық маңызы бар 14 автомобиль жолдарында қозғалысқа шектеу қойылды.

Қазіргі таңда республикалық жолдарда 305 бірлік техника мен 357 адам жұмылдырылған.

Оқи отырыңыз