Атырауда сиреналардың іске қосылуы туралы ақпаратқа түсініктеме берілді

Сурет: unsplash

Атырау облысының Төтенше жағдайлар жөніндегі Жедел штабы Атырауда сиренаның іске қосылуы туралы тараған ақпаратқа түсініктеме берді, деп хабарлайды Zakon.kz.

Хабарлама әлеуметтік желілер мен мессенджерлерде тарала бастады.

"Атырау облысы Төтенше жағдайлар департаментінің хабарлауынша, 9 сәуірде дабыл сигналының қосылғаны туралы ақпарат шындыққа жанаспайды", - делінген штаб хабарламасында.

"Қазгидромет" РМК Атырау облысы бойынша мәліметі бойынша, 9 сәуір күні таңғы сағат 8:00-де Атырауда су деңгейі 30 см-ге көтерілді.Тасқын басталғаннан бері Жайық өзенінің жалпы көтерілуі 58 см-ге жетті.

Бүгін, 9 сәуірде Ириклинск су қоймасынан жіберілген су көлемі секундына 1670 текше метрді құрап отыр.

Сәуірдің 7-сі күні ҚР Премьер-Министрінің орынбасары Қанат Бозымбаев атыраулықтардың дүрбелеңге түсуіне негіз жоқ екенін айтты. Төтенше жағдай үлкен суға тез әрі анық дайындалу үшін ғана ол жерде жарияланды.

Оқи отырыңыз