Қазақстанда заңсыз жүрген 15 иммигрант Алматы әуежайынан жер аударылды

Қазақстанда заңсыз жүрген 15 Африка азаматтары елден шығарылды, деп хабарлайды Zakon.kz.

Алматылық көші-қон қызметінің мәліметінше, Қазақстан Республикасының көші-қон заңнамасын бұзғаны үшін ұсталған Африкалық 15 азаматы елден шығарылды.

"Аталған шетелдіктер біздің елде болған кезінде халықтың көші-қоны саласындағы заңнаманы бұзған. Атап айтқанда, заңда белгіленген мерзімде Қазақстан Республикасының аумағынан шықпай, сот қаулысымен мемлекетімізден шығару түріндегі әкімшілік жазаға тартылды. Ол бірнеше кезеңмен өтеді", – деді Алматы қалалық ПД Көші-қон қызметі басқармасының бастығы Асхат Бутунчинов.

Еске салайық, 8 сәуірде Алматы әуежайында елге жалған төлқұжатпен кірмек болған азамат ұсталып, бірден департацияланған болатын.