Еліміздегі қалалардың бірінде ауа сапасы нашар болатыны ескертілді

Ауа сапасы нашар, Атырау, 14 сәуір, сурет - Zakon.kz жаңалық 14.04.2024 10:29

Сурет: pexels

Жексенбі, 14 сәуірде синоптиктер Қазақстандағы қалалардың бірінде ауа сапасы нашар болатынын ескертті, деп хабарлайды Zakon.kz.

"Қазгидромет" мамандарының мәліметінше, Атырау қаласында қолайсыз метеорологиялық жағдайлар көрініс табуы мүмкін.

Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы. Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы мүмкін.

Мұндай ауа райы кезінде:

көшеде, әсіресе, тасжолдардың бойында жүруді азайту керек;
балалар мен жүкті әйелдер ұзақ уақыт серуендемегені жөн;
созылмалы өкпе, жүрек-қан тамырлары, аллергиямен ауыратын адамдар дәрі-дәрмегін өзімен бірге алып жүруі тиіс;
таза ауадағы физикалық белсенділікті шектеңіз;
дене шынықтыру және спорттық іс-шараларды жабық спорт кешендерінде өткізу керек.

Оқи отырыңыз