Шымкент тұрғындарына ауа райының қолайсыз болатыны ескертілді

Шымкент қаласының Төтенше жағдайлар департаменті қала тұрғындары мен қонақтарына 30 тамыз күні қолайсыз ауа райы болатынын ескертті, деп хабарлайды Zakon.kz.

Ведомствоның мәліметінше, сәрсенбі күні мегаполисте дауылды ескерту жарияланған.

"30 тамызда таңертең және күндіз найзағай болады деп болжанды. Жел оңтүстік-батыстан соғып, солтүстік-батысқа ауысады, екпіні 15-20 м/с", - делінген қалалық Төтенше жағдайлар департаментінің дауылға қатысты "Қазгидрометтен" алған мәлімдемесінде.

27 тамыз күні Шымкентте бұршақ жауды. Мегаполис тұрғындары әлеуметтік желіде фото және видео бөлісіп жатты. Куәгерлердің айтуынша, Шымкентте мұндай ауа райы көптен бері болмаған.