Қызылорда облысында Қазақстан халқының бірлігі күні "Бірлік" аллеясында ағаш егілді

Бүгін облыс әкімі Нұрлыбек Нәлібаев Қазақстан халқының бірлігі күніне орай облыстық Қазақстан халқы ассамблеясы жанындағы құрылым мүшелерімен, этномәдени бірлестіктердің жетекшілерімен бірге Бірлік аллеясындағы тал егу шарасына қатысты.

Айта кетейік, бүгінде облыстық ассамблея жанында 11 этномәдени бірлестік бар. Қорқыт Ата атындағы Қызылорда университетінде "Қазақстан халқы ассамблеясы" орталығы жұмыс істейді.

Сурет: Қызылорда облысы әкімдігінің баспасөз қызметі

Өңірдегі ұлтаралық татулық пен қоғамдық келісімді сақтау, облыстық ассамблеяның қызметін жандандыру және оның қоғамдық-саяси рөлі мен маңызын арттыру бағытында тиісті жұмыстар атқарылып жатыр.

Сурет: Қызылорда облысы әкімдігінің баспасөз қызметі

Сурет: Қызылорда облысы әкімдігінің баспасөз қызметі

Еске салсақ, қазір республика бойынша "Таза Қазақстан" акциясы өтіп жатыр. Акция аясында әр аптаға "Таза өлке", "Киелі мекен", "Жасыл аймақ", "Өнегелі ұрпақ", "Мөлдір бұлақ" тақырыптық атаулары берілген. 

Сурет: Қызылорда облысы әкімдігінің баспасөз қызметі

Сыр өңірінде "Таза Қазақстан – таза аймақ" науқаны аясында 5 кезең бойынша көгалдандыру, тазалық шаралары ұйымдастырылып жатыр.