Құлжа тас жолында тағы бір жол апатынан бір адам мерт болды

Nissan X-Trail жүргізушісі мопедисті қағып кетті. Скутер жүргізушісі оқиға орнында көз жұмды, деп хабарлайды Zakon.kz.

Қалаға кіре берісте мопедист топырақ жолдан тас жолдың қарсы жолағына шығып, тура Nissan X-Trail көлігіне бет алған.

Сурет: Zakon.kz

Көлік жүргізушісі ештеңе істеп үлгермей, скутермен соқтығысқан, содан кейін ол мопед жүргізушісін де жаншып өткен.

Сурет: Zakon.kz

Мопед жүргізушісі алған жарақаттарынан оқиға орнында көз жұмды.

Сурет: Zakon.kz

Оқиға орнында полицейлер жұмыс істеп жатыр. Марқұмның кім екені анықталып жатыр.