AlmaTV-ның жұмысындағы ақауға кибершабуыл себеп болды
Сурет: freepik
"2024 жылғы 09 мамырда сағат 12:02-де интернет-хабар таратуда үзілістер байқалғанын (аналогтық, цифрлық, спутниктік теледидар қызметтері штаттық режимде жүзеге асырылғанын) назарларыңызға жеткіземіз. Қызмет провайдерінен алынған мәліметтерге сәйкес, сәтсіздікке көп деңгейлі кибершабуыл себеп болды. Компания мамандары оқиғаға жедел әрекет етіп, сервистің жұмысын қалпына келтіру үшін қажетті шараларды қабылдады", - деп жазылған Alma+ таратқан ресми ақпаратта.
Қазіргі уақытта қызмет толық қалпына келтірілді және штаттық режимде жұмыс істейді.
Alma+ осы оқиғадан туындаған уақытша қолайсыздықтар үшін өз клиенттерінен шын жүректен кешірім сұрайды.
"Біз абоненттеріміздің сенімін жоғары бағалаймыз және қызметтерді үздіксіз және сапалы ұсынуды қамтамасыз ету үшін бар күшімізді саламыз", - деп жазылған AlmaTV таратқан ақпаратта.
Бұған дейін әлеуметтік желілерде AlmaTV арнасына хакерлік шабуыл жасалғаны туралы ақпарат пайда болған. Қолданба арқылы Мәскеуден шеруді трансляциялау кезінде түсініксіз кадрлар қабаттасады.
