Лондон полициясы қазақстандыққа кісі өлтірді деген айып тағып отыр
Сурет: pixabay
Лондонда (Ұлыбритания) адам өлтірді деген күдікпен Қазақстан азаматы ұсталды, деп хабарлайды Zakon.kz.
Бұл туралы 11 мамырда жергілікті полицияға сілтеме жасап Kazinform-ның Лондондағы меншікті тілшісі хабарлады.
"30.12.1986 жылы туған Баймолда Бәйбітке сейсенбі күні, 7 мамырда кісі өлтірді деген айып тағылды. Сәрсенбіде, 8 мамырда Темза магистратурасының сотына келді", - делінген хабарламада.
6 мамыр күні кешкі сағат 21:00 шамасында Лондондағы аудандардың бірінде 42 жастағы ер адамның мәйіті табылған. Оқиға орнына полиция қызметкерлері жеткен. Қаза тапқан адамның денесінде пышақ жарақаттары бары анықталған.
"Оқиға орнында кісі өлтірді деген күдікпен Бейбіт пен 33 жастағы әйел ұсталды. Бейбітке жоғарыда көрсетілген айып тағылды. 33 жастағы әйел тергеу шаралары аяқталғанға дейін босатылды", - деді Лондон полициясы.
Kazinform тілшісінің хабарлауынша, Баймолда Бейбіт Қазақстаннан Ұлыбританияға 2023 жылдың мамыр айында 6 айға маусымдық жұмыс визасымен келген.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
