Астанада 20 жыл бойы полицейлерден жасырынып келген ресейлік азамат үйлердің бірінің шатырынан табылды

Сурет: pexels

Астанада 20 жыл бойы Ресей құқық қорғау органдарынан жасырынып келген ер адам ұсталды, деп хабарлайды Zakon.kz.

Астана полициясының баспасөз қызметі 13 мамырда хабарлағандай, Ресей Федерациясының 53 жастағы азаматы алаяқтық жасағаны үшін мемлекетаралық іздеуде болған.

"Қылмыстық әрекеттер жасағаннан кейін ер адам Қырғызстан Республикасына кетіп, ол жақтан Астана қаласына туыстарының үйіне қоныс аударған. Полиция қызметкерлері оны үйдің шатырынан тапқан. Қазіргі уақытта оны Ресей Федерациясының аумағына экстрадициялау мәселесі шешілуде", - деді полиция.

Қашқынның ұсталу сәті видеоға түсірілген.

2024 жылдың 11 сәуірінде Алматы халықаралық әуежайында 2023 жылдың қыркүйегінен бері мемлекетаралық іздеуде жүрген 32 жастағы Ресей азаматы ұсталды.

Оқи отырыңыз