Солтүстік Қазақстан облысында қарғын су кірген 200 үй тұруға жарамсыз

Сурет: pixabay

Солтүстік Қазақстан облысында қарғын су кірген 1400 үй бағаланып, 200-і тұруға жарамсыз деп танылды.

Қазір табиғи апаттың салдарын жоюға бағытталған жұмыс жүріп жатыр. Өңірде 4 мыңға жуық баспананы су басып, 14 мыңнан астам адам эвакуацияланған. Олардың 9 мыңы өз шаңырақтарына оралды. Бүлінген үйлер қалыпқа келтірілуде, деп жазады qazaqstan.tv.

100-ден астам механикалық бригада жасақталды. Олар Петропавл қаласының Заречный кенті, Ойқала, "Былғары зауыты" шағын аудандары мен Қызылжар ауданына қарасты Прибрежное және Тепличное ауылдарында жұмыс істеп жатыр.

"Әлі 68 үй суда тұр. Бағадау жұмыстары әлі де жалғасуда. 13 аудан бар. Солардан 5 бригададан келді. Оның ішінде құрылыс мамандары бар. Әрбір шағын ауданда 4 ауданнан белгіленді. Олар қалпына келтіру, үйлерді жөндеу бойынша жұмыс атқаруда." Тимур Әбдіреш, СҚО әкімінің баспасөз хатшысы

Оқи отырыңыз