FlyArystan бортында жолаушы қаза тапты

Сурет: pxhere

FlyArystan әуе компаниясының Қостанайдан Алматыға бет алған ұшағында ер адам қаза тапты. Қайғылы оқиға 2024 жылдың 15 мамырында болған, деп хабарлайды Zakon.kz.

Әуе компаниясының баспасөз қызметі жолаушы әуеге көтерілгеннен кейін есін жоғалтқанын түсіндірді.

"Стюардессалар бірден жолаушының тамыр соғысы мен тыныс алуын тексерді, бірақ өмір белгілерін таппады. Нұсқауларға сәйкес, экипаж алғашқы медициналық көмек көрсетіп, борттағы дәрігерді іздеуге кірісті". FlyArystan әуе компаниясының баспасөз қызметі

Содан кейін стюардессалар дәрігермен бірге дефибриллятор арқылы жүрек-өкпе реанимациясын жасады.

Командирдің шешімімен ұшақ Астана әуежайына шұғыл қонды.

"Әуе компаниясының бортсеріктері әуежайға келгенше жүрек-өкпе реанимациясын жалғастырды. Өкінішке орай, Астана әуежайының дәрігері жолаушының қайтыс болғанын растады. Әуе компаниясы жолаушының туыстары мен жақындарына қайғыларына ортақтасып көңіл айтады". FlyArystan әуе компаниясының баспасөз қызметі

1 мамырда Алматыдан Оралға ұшып келген Ресейдің екі азаматы тырысқақ ауруына шалдыққан деген күдікке ілінгені хабарланған болатын. Ұшақ жерге қонған соң санитарлық-эпидемиологтар ұшаққа отырды. Облыстық жұқпалы аурулар ауруханасының директоры Надия Ахметова анамнез, эпидемиологиялық анамнез және клиникалық тексеруден кейін тырысқақ ауруының мүлдем жоққа шығарылғанын түсіндірді. Саяхатшылар Саратов облысындағы тұрғылықты жеріне жол тартты.

Оқи отырыңыз