Қазақстанда колледждерде білім алуға мемлекеттік тапсырыс 60 мың орынға ұлғайтылды

Сурет: Zakon.kz/Павел Михеев

Жаңа оқу жылында техникалық және кәсіптік білім беру ұйымдарында мемлекеттік білім беру тапсырыстарының көлемі 60 мың орынға артады, деп хабарлайды Zakon.kz.

Білім министрлігінің мәліметінше, мемлекеттік тапсырыс бойынша қабылданған студенттер саны 145 мың адамға жетеді.

"Мемлекет басшысының тапсырмасы бойынша республикалық бюджет есебінен сұранысқа ие мамандықтар бойынша тегін техникалық және кәсіптік білім беруге арналған мемлекеттік білім беру тапсырысы 60 мың орынға ұлғайтылды. 2025 жылға қарай жастардың 100 пайызы сұранысқа ие мамандықтар бойынша тегін ТжКБ-мен қамтамасыз етіледі", - деді ТжКБ директоры Әсет Мұханбетов.

Оның айтуынша, атап айтқанда, техникалық мамандықтар бойынша мемлекеттік білім беру тапсырысы ұлғаяды: геология, машина жасау, энергетика, IT, металлургия, көлік және т.б. Бүгінгі таңда ТжКБ бойынша мемлекеттік тапсырысты қамту 80 пайызға жетті.

Білім министрлігі кәсіпорындардың өтініштері бойынша жыл сайын 10 мың талапкер қабылданатынын атап өтті. Тапсырыс беруші кәсіпорындар түлектердің тағылымдамадан өтуін және одан әрі жұмысқа орналасуын ұйымдастыру бойынша міндеттемелерді қабылдайды.

Бұған дейін Қазақстанда жоғары білімі бар кадрларды даярлауға мемлекеттік гранттар бөлінгені хабарланған болатын.

Оқи отырыңыз