Ақтөбеде 500-ге жуық адам тазалық акциясына жұмылды

Бүгін "Таза Қазақстан" республикалық экологиялық акциясы аясында Ақтөбе облысында "Таза орман" акциясы өтті, деп хабарлайды Zakon.kz.

Акция Ақтөбе қаласындағы Ақтөбе орман және жануарлар дүниесін қорғау мекемесі орналасқан "Заречный-3" тұрғын-жай аумағында да болды.

Сурет: Ақтөбе облысы әкімдігінің баспасөз қызметі

Акцияға облыс бойынша жалпы саны 500-ге жуық адам қатысты.

Сурет: Ақтөбе облысы әкімдігінің баспасөз қызметі

Олардың қатарында орман шаруашылығы мекемелерінің қызметкерлері, "Жасыл ел" жасақтарының сарбаздары бар.

Сурет: Ақтөбе облысы әкімдігінің баспасөз қызметі

Орман шаруашылығы мекемелері акцияға қатысушыларды қажетті техникалық жабдықтармен қамти отырып, қураған ағаштарды кесу, жол жиектеріндегі, арықтағы күл-қоқыстардан тазарту жұмыстарын жүргізді.

Сурет: Ақтөбе облысы әкімдігінің баспасөз қызметі

Бүгінде Ақтөбе облысы бойынша орман және жануарлар дүниесін қорғайтын 9 мекеме (Ақтөбе, Үлкен-Борсық, Қарабұтақ, Мәртөк, Темір, Ойыл, Қобда, Орқаш, Байғанин) бар. Мемлекеттік орман қорының жалпы ауданы — 217,8 мың гектар.