Түркістан облысында 10-сынып оқушысының мәйіті табылды

Оқиға Сайрам ауданында болған. Алдын ала дерек бойынша, жасөспірім бірнеше күн бойы үйінде болмаған, деп хабарлайды Zakon.kz otyrar.kz-ке сілтеме жасап.

Оны іздеген туған-туыстары құзырлы органдарға хабар берген. Кейіннен кәмелетке толмаған баланың өлі денесі табылды.

Ал полиция өз-өзіне қол жұмсау фактісі бойынша қылмыстық іс қозғап, сараптама тағайындады.

"Полиция Сайрам ауданында кәмелетке толмаған жасөспірімнің өз-өзіне қол жұмсау фактісі бойынша тергеу жүргізіп жатыр. Сараптама тағайындалды. Барлық мән-жайлар анықталып жатыр. ҚР ҚПК-нің 201-бабына сәйкес өзге де мәліметтер жария етілмейді", - деп хабарлады Түркістан облысы полиция департаментінің баспасөз қызметі.