Абай облысының полицейлері уылдырық шашу кезінде балық аулағаны үшін ер адамды ұстады
Сурет: polisia.kz
2024 жылғы 16 сәуір мен 30 мамыр аралығында Абай облысының аумағында балық пен балық өнімдерін заңсыз өндіруді, ұрлауды, әкетуді, алып жүруді немесе өткізуді анықтауға, алдын алуға және жолын кесуге бағытталған "Уылдырық" жедел-профилактикалық іс-шарасы өткізіліп жатыр.
Өткен кезеңде 145-тен астам рейдтік іс-шаралар жүргізіліп, нәтижесінде табиғат қорғау заңнамасының 72 құқық бұзушылығы анықталды. 2024 жылдың 24 мамырында Семей қаласының табиғатты қорғау полициясының қызметкерлері ЖАҚЖ қызметкерлерімен бірлесіп, "Қызыл Су" өзенінің жағасында патрульдеу кезінде ШҚО-ның 40 жастағы тұрғынының басқаруымен Subaru Legacy маркалы автокөлікті тоқтатты.
Автокөлікті тексеру кезінде багаждан төрт қап балық табылды, бұл 105 келі болды. Барлық мән-жайларды анықтау үшін материал "Зайсан-Ертіс облысаралық бассейндік балық шаруашылығы инспекциясы” РММ-ге берілді.
