Абай облысында 7 адам уылдырық шашу кезеңінде балық аулағаны үшін жазаланды
Сурет: pixabay
Мамандандырылған табиғатты қорғау прокуратурасы уәкілетті органдармен бірлесіп уылдырық шашу кезеңінде заңсыз балық аулаудың жолын кесу бойынша рейдтік іс-шаралар жүргізді, деп хабарлайды Zakon.kz.
Рейд барысында Қызыл Су өзенінің жағасында құжатсыз 105 кг балық тасымалдаған Шығыс Қазақстан облысының тұрғыны анықталды.
Балық аулау ережелерін бұзған барлығы 7 адам анықталды, оның ішінде 5 адам ҚР ӘҚБтК-нің 383-бабының 1-бөлігі бойынша (Балық аулау және балық ресурстары мен басқа да су жануарларын қорғау қағидаларын бұзу) 10 АЕК мөлшерінде айыппұл түрінде жаза қолданумен әкімшілік жауапкершілікке тартылды.
ҚР ӘҚБтК-нің 389-бабының 1-бөлігі бойынша (жабайы жануарлар мен өсімдіктердің түрлерін, олардың бөліктерін немесе дериваттарын заңсыз сатып алу, өткізу, әкелу, әкету, сақтау (ұстау) жауапкершілікке тарту үшін 2 адамға қатысты материалдар құқық бұзушылық жасалған жердегі соттарға жолданды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
