Қызылорда облысында тұрғыннан сора өсімдігі тәркіленді
![Есірткі саудасымен айналысқан адамдар ұсталды, сурет - Zakon.kz жаңалық 06.06.2024 14:20](https://kaz.zakon.kz/pbi/WEBP/2024-06-06/file-25be1308-1598-40b9-8b99-52c4dd77d1f7/400x225.webp)
Қызылорда облысында 59 түп сора өсімдігін еккен аудан тұрғыны құрықталды, деп хабарлайды Zakon.kz.
Осы жылдың 1 маусым – 31 қазан аралығында республика көлемінде "Қарасора-2024" жедел-профилактикалық іс-шарасы өткізілуде.
Қызылорда облысы ПД есірткі қылмысына қарсы іс-қимыл басқармасының және Шиелі аудандық полиция бөлімінің қызметкерлері жедел-іздестіру іс-шаралары барысында есірткі өсірген аудан тұрғынын ұстады.
Жүргізілген жедел жұмыстар нәтижесінде күдіктінің ауласынан 59 түп сора өсімдігі анықталып, айғақ зат ретінде тәркіленді.
Сараптама қорытындысына сәйкес, тәркіленген есірткі заттар жалпы салмағы 2 келі 362 грамм екендігі анықталды. Қазіргі уақытта күдікті қамауға алынды.
Тергеу жүргізілуде. Бұл бағыттағы жұмыстар жалғасып жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript