Еліміздің бес қаласында ауа сапасы нашарлайтыны болжанады

Ауа сапасы, 16 маусым, Астана, Ақтөбе, Алматы, Атырау, Петропавл, сурет - Zakon.kz жаңалық 16.06.2024 09:52

Сурет: Zakon.kz/Павел Михеев

Жексенбі, 16 маусымда синоптиктер Қазақстанның бес қаласындағы атмосферада зиянды қоспалар мөлшері артатынын ескертті, деп хабарлайды Zakon.kz.

"Қазгидромет" РМК мамандарының мәліметінше, қолайсыз метеорологиялық жағдайлар Ақтөбе, Алматы, сондай-ақ түнде Астана, Атырау, Петропавл қалаларында орын алады деп болжанады.

Қолайсыз метеожағдайлар (ҚМЖ) - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тынымық, әлсіз жел, тұман, инверсия) жиынтығы. ҚМЖ пайда болған кезде елдімекендердегі атмосфералық ауа сапасының нашарлауы мүмкін.

Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).

Қолайсыз ауа райы жағдайында мыналарға кеңес беріледі:

ашық ауада, әсіресе тас жол немесе басқа ластану көздерінің бойында болу уақытын қысқартыңыз;
балалар мен жүкті әйелдерге ұзақ серуендеуден бас тарту ұсынылады;
өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде дәрі-дәрмектерді өздерімен бірге алып жүруі керек;
ашық ауада физикалық белсенділікті шектеңіз. Дене шынықтыру және спортпен шұғылдану жабық спорт кешендерінде жүргізіледі.

Оқи отырыңыз